Ўзбекистон Республикаси
Марказий сайлов комиссиясининг қарори
№1445 2025 йил 11 сентябрь
Ўзбекистон Республикаси Олий Мажлиси Қонунчилик палатаси депутати Э. Ҳайитовнинг ваколатини муддатидан илгари тугатиш тўғрисида
“Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида”ги Ўзбекистон Республикаси Қонунининг 4-моддаси ҳамда Ўзбекистон Республикаси Сайлов кодексининг 14 ва 16-моддаларига мувофиқ Ўзбекистон Республикаси Марказий сайлов комиссияси қарор қилади:
1. 67-Қашқадарё вилояти сайлов округидан сайланган Ўзбекистон Республикаси Олий Мажлиси Қонунчилик палатасининг депутати, Ўзбекистон “Адолат” социал-демократик партияси аъзоси Ҳайитов Эркин Шаймардонович бошқа ишга ўтганлиги ва шу муносабат билан берган аризасига мувофиқ унинг депутатлик ваколати муддатидан илгари тугатилган деб ҳисоблансин.
2. Ҳайитов Эркин Шаймардонович Ўзбекистон Республикаси Олий Мажлиси Қонунчилик палатаси депутатлари рўйхатидан чиқарилсин.
3. Мазкур қарор нусхаси Ўзбекистон Республикаси Олий Мажлисининг Қонунчилик палатасига, Ўзбекистон Республикаси Адлия вазирлигига ва Ўзбекистон “Адолат” социал-демократик партиясига юборилсин.
4. Ушбу қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.
Раис З. Низамходжаев
