Ўзбекистон Республикаси
Марказий сайлов комиссиясининг қарори
№1444 2025 йил 11 сентябрь
Ўзбекистон Республикаси Олий Мажлиси Қонунчилик палатаси депутати М. Истамовнинг ваколатини муддатидан илгари тугатиш тўғрисида
“Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида”ги Ўзбекистон Республикаси Қонунининг 4-моддаси ҳамда Ўзбекистон Республикаси Сайлов кодексининг 14 ва 16-моддаларига мувофиқ Ўзбекистон Республикаси Марказий сайлов комиссияси қарор қилади:
1. Ягона сайлов округи бўйича Ўзбекистон Республикаси Олий Мажлиси Қонунчилик палатасига Ўзбекистон “Миллий тикланиш” демократик партияси рўйхати асосида сайланган депутат Истамов Махмуд Шухратович бошқа ишга ўтганлиги муносабати билан унинг депутатлик ваколати муддатидан илгари тугатилган деб ҳисоблансин.
2. Истамов Махмуд Шухратович Ўзбекистон Республикаси Олий Мажлиси Қонунчилик палатаси депутатлари рўйхатидан чиқарилсин.
3. Мазкур қарор нусхаси Ўзбекистон Республикаси Олий Мажлисининг Қонунчилик палатасига, Ўзбекистон Республикаси Адлия вазирлигига ва Ўзбекистон “Миллий тикланиш” демократик партиясига юборилсин.
4. Ушбу қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.
Раис З. Низамходжаев
