Ўзбекистон Республикаси
Марказий сайлов комиссиясининг қарори
№1430 2025 йил 14 февраль
Э.А.Салиевни ва А.А.Махмудалиевни Ўзбекистон Республикаси Олий Мажлиси Сенати аъзолари рўйхатидан чиқариш тўғрисида
“Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида”ги Ўзбекистон Республикаси Қонунининг 4-моддаси ҳамда Ўзбекистон Республикаси Сайлов кодексининг 14 ва 16-моддаларига мувофиқ Ўзбекистон Республикаси Марказий сайлов комиссияси қарор қилади:
1. Жиззах вилоятидан сайланган Ўзбекистон Республикаси Олий Мажлиси Сенати аъзоси Салиев Эргаш Алибековичнинг халқ депутатлари Жиззах вилояти Кенгаши депутати сифатида ваколатлари муддатидан илгари тугатилганлиги муносабати билан унинг сенаторлик ваколати муддатидан илгари тугатилган деб ҳисоблансин.
2. Сирдарё вилоятидан сайланган Ўзбекистон Республикаси Олий Мажлиси Сенати аъзоси Махмудалиев Акмалжон Азимжоновичнинг халқ депутатлари Сирдарё вилояти Кенгаши депутати сифатида ваколатлари муддатидан илгари тугатилганлиги муносабати билан унинг сенаторлик ваколати муддатидан илгари тугатилган деб ҳисоблансин.
3. Салиев Эргаш Алибекович ҳамда Махмудалиев Акмалжон Азимжонович Ўзбекистон Республикаси Олий Мажлиси Сенати аъзолари рўйхатидан чиқарилсин.
4. Мазкур қарор Ўзбекистон Республикаси Олий Мажлисининг Сенатига ҳамда халқ депутатлари Жиззах ва Сирдарё вилоятлари Кенгашларига юборилсин.
5. Ушбу қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.
Раис З.Низамходжаев
