Демократик сайловлар қонуний бошқарув учун асос бўлишини эътироф этган ҳолда, ЕХҲТ ўзининг 57 иштирокчи давлатининг барчасида сайловларни кузатади. Шунингдек, у муайян мамлакатларда сайловлар учун қонунчилик ва маъмурий базани такомиллаштириш учун техник ёрдам кўрсатади.
ЕХҲТ Демократик институтлар ва инсон ҳуқуқлари бўйича бюроси сайлов жараёнларининг асосий эркинликларга қай даражада ҳурмат қилиниши, тенглик, универсаллик, сиёсий плюрализм, яширинлик, ошкоралик ва ҳисобдорликни таъминлаш даражасини баҳолаш учун сайловларни кузатиб боради. Офис, шунингдек, ҳокимият органларининг сайлов жараёнларини такомиллаштириш ва ДИИҲБ сайловни кузатиш миссиялари тавсияларини амалга ошириш борасидаги саъй-ҳаракатларида сайлов қонунларини кўриб чиқиш, техник экспертизаларни тақдим этиш ва фуқаролар кузатувчилари гуруҳлари фаолиятини қўллаб-қувватлаш орқали ёрдам беради. ЕХҲТ Парламент Ассамблеяси сайловларни кузатиш миссияларига раҳбарлик қилади.
ЕХҲТнинг миссиялари сайлов масалалари бўйича ишлайди ва қуйидагиларга эътибор қаратади:
сайлов комиссиялари билан маслаҳатлашиш;
халқаро стандартлар ва илғор тажрибаларни қўллаш;
сайловларни ўтказиш бўйича маъмурий органлар фаолиятини такомиллаштириш;
сайловларнинг техник экспертизасини ўтказиш;
сайлов кодекси ислоҳотларини қўллаб-қувватлаш;
овоз бериш жараёнида манфаатдор томонлар ўртасида маслаҳатлашувлар ўтказиш;
тренинглар ўтказиш, натижаларни таҳлил қилиш ва баҳолаш;
халқаро доиралар билан қўллаб-қувватлаш ва ўзаро ҳамкорликни таъминлаш;
аёлларнинг сайловдаги фаоллигини ошириш;
сайловчиларнинг ҳуқуқлари ва сайлов тартиб-қоидалари бўйича тушунтириш-тарғибот ишларини олиб бориш;
маҳаллий ва миллий сайловларни кузатувчи ННТларни қўллаб-қувватлаш;
ва сайловчилар рўйхатини тузиш.
