Демократия ва сайловларга кўмак бериш халқаро институти (IDEA) – ташкилотга аъзо давлатларнинг ҳукуматлараро қўшма институти ҳисобланади. Ҳозирги вақтга келиб, ушбу ташкилотга 36 та давлат ҳукуматлари аъзолик қилади. 1995 йилда ташкил қилинган IDEAнинг бош қароргоҳи Швециянинг Стокгольм шаҳрида жойлашган.

Ташкилот вазифаларига мамлакатларда демократик институтларни ривожлантириш ва уларни мустаҳкамлашда зарур шарт-шароит яратиш, дунё бўйлаб демократия соҳасидаги олимлар, мутахассислар ва фаоллар ўртасида эркин мулоқот ва муҳокама майдонини яратиш, шунингдек, сайловларни ташкил этишда шаффофлик, ҳисобдорлик ва самарадорликка кўмаклашиш ҳамда демократик тенденцияларни таҳлил қилиш ва мониторинг қилиш киради.

2019 йилдан бери Халқаро IDEA бош котиби Кевин Касас-Замора.