Ўзбекистон Республикаси
Марказий сайлов комиссиясининг қарори
№1436 2025 йил 2 май
Самарқанд вилояти ҳудудий сайлов комиссиясининг раисини ва доимий асосда ишловчи котибини тасдиқлаш тўғрисида
Ўзбекистон Республикаси Сайлов кодексининг 14, 16, 19 ва 25-моддаларига мувофиқ ҳамда халқ депутатлари Самарқанд вилояти Кенгашининг тавсиясига асосан Ўзбекистон Республикаси Марказий сайлов комиссияси қарор қилади:
1. Халқ депутатлари Самарқанд вилояти Кенгашининг тавсиясига биноан Тошниёзов Отабек Полвонович Самарқанд вилояти ҳудудий сайлов комиссиясининг раиси, Бурибоев Азизбек Бахронович Самарқанд вилояти ҳудудий сайлов комиссиясининг доимий асосда ишловчи котиби этиб тасдиқлансин.
2. Мазкур қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.
3. Мазкур қарор халқ депутатлари Самарқанд вилояти Кенгашига ҳамда Самарқанд вилояти ҳудудий сайлов комиссиясига юборилсин.
4. Мазкур қарор ижросини назорат қилиш Ўзбекистон Республикаси Марказий сайлов комиссияси Раисининг ўринбосари Б. Кучкаров зиммасига юклансин.
Раис З. Низамходжаев
