O‘zbekiston Respublikasining ayrim qonun hujjatlariga saylov va referendum o‘tkazish tartibini yanada takomillashtirishga qaratilgan o‘zgartirish va qo‘shimchalar kiritish to‘g‘risidagi Konstitutsiyaviy qonun loyihasi 2023-yil 11-oktabr kuni Oliy Majlis Qonunchilik palatasi tomonidan birinchi o‘qishda qabul qilindi. Shu munosabat bilan ushbu Konstitutsiyaviy qonun loyihasining mazmun mohiyati va ahamiyatini aholiga tushuntirish bo‘yicha Qonunchilik palatasi deputatlari, Markaziy saylov komissiyasi hamda Adliya vazirligi vakillaridan iborat targ‘ibot guruhi a’zolari ishtirokida seminar tashkil etildi.