Sayt test rejimida ishlamoqda

O‘ZBEKISTON RESPUBLIKASI
MARKAZIY SAYLOV KOMISSIYASI

Ko'rinish:

Shrift hajmi:

26.12.2022

977

msk_yangiliklari_in

Markaziy saylov komissiyasining 2022-yil 26-dekabr kuni navbatdagi majlisi bo‘lib o‘tdi.

Majlis kun tartibidan F.Ermanovni O‘zbekiston Respublikasi Oliy Majlisi Senati aʼzolari ro‘yxatidan chiqarish to‘g‘risidagi hamda O‘zbekiston Respublikasi Oliy Majlisi Qonunchilik palatasi deputati R.Kusherbayevning vakolatini muddatidan ilgari tugatish to‘g‘risidagi masalalar ko‘rib chiqildi va tegishli qarorlar qabul qilindi.

Taʼkidlash joiz, Oliy Majlisi Senati aʼzosi Farxod Ermanov Qoraqalpog‘iston Respublikasi Jo‘qorg‘i Kengesining Qaroriga asosan Qoraqalpog‘iston Respublikasi Vazirlar Kengashining Raisi lavozimiga tayinlanganligi munosabati bilan uning yozma arizasiga ko‘ra, senatorlik vakolati muddatidan ilgari tugatildi hamda Tadbirkorlar va ishbilarmonlar harakati – O‘zbekiston Liberal demokratik partiyasining aʼzosi Rasul Kusherbayev o‘z vakolatlarini zimmasidan soqit qilish haqida bergan yozma arizasiga muvofiq uning deputatlik vakolati muddatidan ilgari tugatildi.

 

Markaziy saylov komissiyasi

Matbuot xizmati

Izoh qoldirish uchun tizimdan ro'yxatdan o'tishingiz zarur