Бугун, 10 ноябрь куни Андижон давлат тиббиёт институтида тиббиёт ходимлари ва талабалар иштирокида «Сайлов ва референдум ўтказиш тизимидаги янгиликлар Конституциявий қонун лойиҳаси» мавзусида давра суҳбати бўлиб ўтди.
Унда Ўзбекистон Республикаси Марказий сайлов комиссияси аъзоси Б.Юнусов ҳамда Ўзбекистон Республикаси Олий Мажлиси Қонунчилик палатаси депутати У.Зокирова, вилоят Адлия бошқармаси бошлиғининг биринчи ўринбосари Б.Каримовлар иштирок этиб мавзу доирасида тушунчалар бериб ўтдилар.
Жумладан, Конституциявий қонун лойиҳасига кўра, Ўзбекистон Республикасининг 7 та қонуни ва сайлов кодексига киритилаётган ўзгартиш ва қўшимчалар ҳақида ахборот берилди.
