2023-yil 13-may kuni soat 10:00 da Toshkent shahri, Alisher Navoiy koʻchasi, 1-uyda joylashgan “Maʼrifat markazi” (Simpoziumlar saroyi) binosida Markaziy saylov komissiyasining navbatdagi majlisi boʻlib oʻtadi.

Majlis kun tartibiga quyidagi masalalar kiritilgan:

- Oʻzbekiston Respublikasi Prezidenti saylovini oʻtkazish boʻyicha saylov okruglarini tuzish;

- siyosiy partiyalarning vakolatli vakillarini roʻyxatga olish;

- Markaziy saylov komissiyasining ayrim qarorlariga oʻzgartirish va qoʻshimchalar kiritish.

Majlis tafsilotlarini Markaziy saylov komissiyasining ijtimoiy tarmoqlardagi sahifalari hamda YouTube platformasi orqali kuzatib borishingiz mumkin.

Markaziy saylov komissiyasi

Matbuot xizmati