O‘zbekiston Respublikasi
Markaziy saylov komissiyasining qarori
№1435 2025-yil 27-mart
A.A.Agzamxodjayevni O‘zbekiston Respublikasi Oliy Majlisining Senati a’zosi etib ro‘yxatga olish to‘g‘risida
O‘zbekiston Respublikasi Saylov kodeksining 14 va 85-moddalariga muvofiq O‘zbekiston Respublikasi Markaziy saylov komissiyasi qaror qiladi:
1. Bo‘shab qolgan o‘ringa O‘zbekiston Respublikasi Oliy Majlisi Senati a’zosining saylovi bo‘yicha 2025-yil 26-mart kuni o‘tkazilgan xalq deputatlari Sirdaryo viloyati hamda tuman va shahar Kengashlarining qo‘shma majlisi bayonnomasiga asosan Agzamxodjayev Alisher Anvarovich O‘zbekiston Respublikasi Oliy Majlisining Senati a’zosi etib ro‘yxatga olinsin.
2. Mazkur qaror O‘zbekiston Respublikasi Oliy Majlisining Senatiga yuborilsin.
3. Mazkur qaror O‘zbekiston Respublikasi Markaziy saylov komissiyasining rasmiy veb-saytida e’lon qilinsin.
Rais Z. Nizamxodjayev
