O‘zbekiston Respublikasi
Markaziy saylov komissiyasining qarori
№1360 2024-yil 31-iyul
O‘zbekiston Ekologik partiyasining vakolatli vakilini ro‘yxatga olish to‘g‘risida
O‘zbekiston Respublikasi Saylov kodeksining 14, 16 va 34-moddalariga hamda O‘zbekiston Respublikasi Markaziy saylov komissiyasining “Siyosiy partiyaning vakolatli vakili to‘g‘risidagi nizomni tasdiqlash haqida” 2019-yil 11-sentyabrdagi 935-son qaroriga muvofiq, O‘zbekiston Respublikasi Markaziy saylov komissiyasi qaror qiladi:
1. O‘zbekiston Ekologik partiyasi Markaziy Kengashining O‘zbekiston Respublikasi Markaziy saylov komissiyasi majlislarida, hujjatlarni topshirishda, imzo varaqalari to‘g‘ri to‘ldirilganligini tekshirishda ishtirok etish uchun vakolatli vakilni ro‘yxatga olish to‘g‘risidagi murojaati qanoatlantirilsin.
2. Raximov Oybek Raimovich O‘zbekiston Ekologik partiyasining vakolatli vakili etib ro‘yxatga olinsin.
3. Raximov Oybek Raimovichga O‘zbekiston Respublikasi Markaziy saylov komissiyasining 2019-yil 11-sentyabrdagi 935-son qarori bilan tasdiqlangan Siyosiy partiyaning vakolatli vakili to‘g‘risidagi nizomga muvofiq belgilangan namunadagi mandat topshirilsin.
4. Mazkur qaror O‘zbekiston Respublikasi Markaziy saylov komissiyasining rasmiy veb-saytida e’lon qilinsin.
5. Mazkur qarorning ijrosini nazorat qilish O‘zbekiston Respublikasi Markaziy saylov komissiyasi Raisining o‘rinbosari B. Kuchkarov zimmasiga yuklansin.
Rais Z. Nizamxodjayev
